ZOSOLL

  

 HONG PIAN' KHIATNA

    Pasian makaihna leh lamlahna aom bangin Zopau le Zolai sin na dingin "Zomi School Of Language and Literature(ZOSOLL)" ci-in MMC pawlpi kem siapa Rev. Kham Do Thang in  2010 kum June kha in Hollywood, Florida ah hong pankhia hi. Hih sang ki patkhiatna in siam man leh neih man hilo in, gamdang tung Zosuan, Zota-te in Zopau leh Zolai te mangngilhlohna ding deihsakna tawh a ki pankhia ahi hi. 

NGIMNA

   Leitungah Minamdang tampi a omna sungah Pasian in Zominam in hong bawl' Zosuan, Zota-te in i dinmunte thei-a, zumpihlo in i kepcin theihna ding lunggulhna tawh anuai a bangin ngimna te kinei hi.

1. Zomi i hihna tungtawn in, Zomi te hong piangsak Pa Pasian minthan'na a pian'na dingle apian' semsem lai na ding;

2. Zomi te sungah migam milei ah om Zota te in, i Pau, i Lai leh i Ngeina te hong theih nang, hong it nang, hong mangngilhloh nang leh hong kepcin'theihna ding;

3. Zopau, Zolai tawh kibawl Zo Lai Siangtho le Zolai te  hong simtheih, hong teltheih le hong gelhtheihna ding;

4.  Hih thu in ei khang ciang bek hilo in, khang sawnsawn dongin ki hilh sawn zawhna ding leh kepcin' zawhna ding te ahi hi.

LAI SIANGTHO BULPHUH

Paunak 11:18 " Naupang khat a neu lai-in lampi man tawnsak lecin, a teek dongin lam pial nawn lo ding hi"

Lai Siangtho lotngah;

Late 119: 105 " Na thu in kei, lam hong lak ding meivak hi a, ka paina lampi-ah khuavak ahi hi.

KAM PULAKNA

Sangkah sim in kam pulakna ki nei sak den hi.

( Zomi Kahihna )

Zomi in ka suak a

Zomi in ka khang hi

Zo pau ka sin ding a

Zo pau in Pasian ka phat ding hi

Zo lai ka sin ding a

Zo lai in lai ka gelh ding hi

Topa hong huh in

Amen.

SEPKHIATNA TE

( I ) ZOSOLL- 2010 KUM

A) AMUN:

Pasian hong deihsakna aom bangin, June kha 14- 18 kalkhat sung Zosoll sang kahna ding in MMC pawlpi biakinn zat dingin ki kip sak hi.

B)  SANGNAUPANG:

Lai simna dingin amun neu leh sang ki pancil hihna tawh haksatna tuamtuam hangin sangnaupang mi 16 bek kisang hi.

C) CLASS, HUN LE LAI SIN BU:

Junior le Senior Class ci-in nih in kikhen in, class khat ah mi 8 ta om hi. Lai sin hun pen zingsang nai 10: 00 in ki pan in Nitaak lam nai 4:00 in ki man hi. Lai sin bu pen Zogam ah Zolai sangah ki zang, a ki hilh lai bu (Tanlang, Tankhat )bu te ki sinpih masak hi.

D) LAI HILH SIA/SIAMATE:

Lai hong hilh sak sia/siama( Full time leh Part Time ) a vekpi in mi 5 pha hi.

1. Sia Rev. Tun Go Lian ( Senior Class-Full time )

2. Sia Rev. Thang Khan Mang ( Junior Class- Part time )

3. Sia Tawng Cin Khai ( Senior Class- Part time )

4. Siama Kai Za Dim ( Junior Class- Part time )

5. Siama Ciin Dim Cing ( Junior Class- Part time )

E) SANG ZUM LAM:

1. Rev. Kham Do Thang ( Pastor, MMC )

2. Siama Don Go Cing ( Register )

F) AN NEK TUI DAWN:

Omna ki gamla ahih manin Sangah Sangnaupang te leh sia/siama te zingsang an leh sun an tawh ki vak hi. Annek tuidawn lam hong van sak  ahi, Pi Cing Lian Dim in nisim in  annek ding hong huansak hi.

G)TRANSPORTATION:

Pa En Lian Pau in Topa a it na le minam a it na tawh sangnaupang te kul leh a kisam bangin hong na dawn sak hi.

LUNGDAMKOHNA:

1. Zosoll sang hong piankhiatna dingin thungetna tawh hong panpih te tung,

2. Lai hong hilhsak sia/siama te tung,

3. Sumlepaai tawh hong huh te tung,

4. Mehteh mehgah le thatang tawh hong huh te tung leh,

5. Thu le la tawh tha hong pia mimal tung ah 

Lungdamna lianpi om hi cih kong pulak uh hi.

 

( II ) ZOSOLL- 2011 KUM

A) AMUN:

-2011 KUM July kha  11- 15 sung ZOSOLL sang lai sinna ding in MMC pawlpi Biakinn ki zang hi.

B) SANGNAUPANG:

-2011 Kum in Pasian hehpihna tawh sangnaupang pen nung kum sangin hong tam zaw hi. Avekpi in mi 27 pha hi.

C) CLASS, HUN LEH LAI SIN BU:

    Beginner, Junior leh Senior Class ci-in class thum in ki khen hi. Laisin hun pen zingsang nai 10:00 in ki pan in Nitaak nai 4:00 in ki man hi. Zolai Subject bek hilo in, Music Theory sinna leh Zongeina te sinna zong ki neih beh hi.

Beginner Class:

-Zopau/lai thei lo in Mikangpau bek thei te leh, Zopau/lai tawm le Mikangpau a pauthei teng kigawm in Zolai hilhna pen Beginner class ki ci hi.

Junior Class:  

-Nung kum in Junior Class sangnaupang te mah hi-in,  Zolai tankhat sinbu te ki hilh hi.

Senior Class:

-Nung kum in Senior Class sangnaupang te mah hi-in, mithak Middle School/High School sangnaupang pawl khat tawh kigawm in Zolai tannih sinbu te ki hilh hi.

D) LAI HILH SIA/SIAMA TE:

Lai hong hilh sak sia/siama ( Full Time leh Part time ) avekpi in mi 9 pha hi.

1. Rev. Thang Khan Mang ( Senior Class- Part time )

2. Rev. Dr. DKMang ( Senior Class- Full time )

3. Siama Nian Za Ning ( Senior Class-Part time )

4. Sia Thang Suan Mang ( Junior Class-Full time )

5. Sia En Lian Pau ( Junior Class - Part time )

6. Siama Dim Khan Lun ( Beginner Class- Full time )

7. Sia Hang Za Suan ( Beginner Class- Part time )

                         ( Bible )

1. Rev. Kham Do Thang ( Senior Class-Full time )

                        ( Music Theory )

1. Sia Nang Lian Sang ( Senior Class- Part time )

                       ( Ngeina- Culture )

1. Sai Thang Do Hang ( Zola- Sangnaupang khempeuh )

E) SANG ZUM LAM:

1. Rev. Kham Do Thang ( President/ Founder)

2. Sia Thang Suan Mang ( Director of Students Affiars )

3. Siama Don Go Cing ( Register )

F) KIKHOPNA/LA SINNA LEH NGEINA:

-Nitaak 7:00 pan 9:30 sung Biakpiakna ki nei hi. Sia Neng Khan Pau in  Biakpiakna ah hong makaih hi. Biakpiakna a mankhit teh Lasinna zong ki nei in Sia Nang Lian Sang in hong makaih hi. Friday nitaak in  Sia Thang Do Hang in Zongeina leh laamna naupang te hong hilh hi.

G) AN NEK TUI DAWN:

Nung kum tawh kibang lo in, Zingsang, Sun leh Nitaak an tawh ki vak hi. Sangnaupang leh sia/siama te nek dingin Pi Cing Lian Dim le Nu Don Go Cing te in nisim in an leh meh te alimthei pen in hong huansak uh hi.

H) SANGNAUPANGTE OMNA:

 Omna/teenna ki gamla ahih manin transportation ki koih nawnlo in, inn thum ah ki giak sak hi.

Pa Thang Suan Mangte Innah: Sangnaupang Pasal teng ki giak sak hi.

Pa Neng Khan Pau le Pa Kham Kap Hangte innah Sangnaupang numei teng ki giak sak hi.

LUNGDAMKOHNA:

1. ZOSOLL sang lawhcing tak leh picing tak a sepzawhna dingin thungetna ah hong panpih te tung,

2. Lai hong hilh sak sia/siama te tung,

3. Sum le paai tawh hong huh, hong panpih te tung,

4. Sangnaupang te nek ding an leh meh hong huansak te tung,

5. Mehteh mehgah tawh hong huh te tung,

6. Thatang leh thulela tawh hong huh hong panpih te tungah lungdamna lianpi om hi cih kong pulak khia uh hi.

                              ( ZOSOLL- 2010 KUM IN ZOLAI SINNA )

                                ( ZOSOLL's Classes in the year 2010 )

Siapa Rev. Kham Do Thang in Rev. Tun Go Lian, Pa Thawnpi leh Pa Cintawngte tawh ki muhkhopna/thudotna hun!

( Pastor Kham is meeting with Rev. Tun Go Lian, Mr. Thawnpi and Mr. Cintawng )

 

( ZOSOLL 2010-2011 KUM TANGTHU TOM GENNA)

         ( Reporting A Brief History of ZOSOLL in 2010 and 2011 )

                                        ( ZOSOLL- 2011 KUM SANG MAN NI )

                                         ( The Class of 2011-2012 Graduation Day )

                                          ( ZOSOLL- 2012 KUM IN ZOLAI SINNA )

                                           ( ZOSOLL's Classes in the year 2012 )

Comment

You need to be a member of MYANMAR MISSION CHURCH to add comments!

VERSES OF THE DAY

Isaiah 53:5 (NRSV)

Isaiah 53:5 (NRSV) But he was wounded for our transgressions, crushed for our iniquities; upon him was the punishment that made us whole, and by his bruises we are healed.

US gambup Online Prayer

"US gambup Online prayer line pan thunget sak na asawt loin kihong ta ding hi" USA gambup ah om, Zomipih te sungah vai tuamtuam leh thu tuamtuamte hangin mimal leh innkuan sungah haksatna anei tampi ih om hi. Hih haksatna te hangin thungetsak ding alunggulh mi tampi mah zong ih om hi. Hih bang a, thungetsak ding alunggulh mitampi-te in, omna ki batlohna leh omna kigamlatna te hangin thukizakna leh kizopna nei theilo hi. Ahi zongin, Khalam ah Pasian mizat leh thungetna lam ah a hat mi-te in, veina leh deihsakna lianpi tawh kipiakhia a, thu hong ngetsak dingin ki gingsa in om uh hi. Tua ahih manin omna ih ki gamlat hang, amanlang thei pen a, thu kiza a, thu ki ngetsak theihna ding in, Phone Line (Prayer Line ) pan thungetsak theihna asawtlo in ki hong ta ding hi. Hih thu tawh kisai in atheinuam ih om leh (561)707-8729 ah ki kanthei hi.
*************************************** ***************************************************************************************************************************************************

© 2014   Created by Myanmar Mission Church.

Badges  |  Report an Issue  |  Terms of Service