MYANMAR MISSION CHURCH
*** "TASTE AND SEE THAT THE LORD IS GOOD" ***
Social & Culture
SOCIAL & CULTURE DEPARTMENT
Pa Gin Za Mung, DEACON
Myanmar Mission Church
Atangthu Tom
Pa Gin Za Mung(Mungtawng) pen Tedim gam Saipimual ah suak hi. Amah pen Pasian a it mahmah khat leh Pasian thu a lungngaingai pa khat ahi hi. A Nu Pi Thang Ngaih Zen leh A Pa Pu Cin Ngaih Thangte hi-in, amau zong Saipimual mah ah piang uh hi. Suahpih unau Sagih pha in, tua sungah a u pen hi. Tulaitak in azi Nu Hang Za Nem leh ata-te tawh Florida gam-uk, Ft.Lauderdale ah teeng uh hi.
Pawlpi Sungah Panmun
Pawlpi sungah Nopna,Dahna leh Ngeina lamah panmunpi(tavuan) len in om hi. Hih panmun pen Pawlpi ading in, athupi mahmah nasep lianpikhat hia, thulehla amanlang thei pen a, kizak zawhna ding leh ahunlap a kipanpih zawhna ding ahi hi. Ngeina te khahsuahlo a, kepcin' theihna ding leh hilhsawn kik theihna ding ngimna hi. Hih thu tawh kisai in, sepnop,dotnop leh ngaihsut piaknop aom leh ama tungah kidong thei hi.
S & C DEPARTMENT PAN PAWLPI SUNG, US GAM SUNG LEH GAMDANG AH SEPKHIATNA LEH MAPANNATE
1. Pawlpi mite omna khawlna kigamlakna hangin, Pawlpi kem siapa in Pawlpi sung vai khempeuh leh Pawlpi mi vaikhempeuh ah hong vantheih, hong huh, hong panpih theih zawh semsemna ding lunggulhna tawh Pawlpi'n Siapa zat dingin Mawtaw khat leisak hi. Siapa leh Mawtaw cidamin kumzatampi pawlpi ading thupha hi-in Pawlpi hong makaih zo semsem ta hen. Amen.
Mawtaw man a nuai-a bang hi.
2. Nopna leh Dahna lamah thuvanpi Pa Mungtawng in Feb 28, 2011 nitak in Pawlpi kem siapa tawh Pa Thangtawng zi Nu Siantawng i pi hong nusiatna hangin aom na inn Plantation, Florida ah Pasian kammal tawh thapiakna leh hanthotnate nei thei uhhi.
Myanmar Mission Church(MMC) pawlpi in, Topa gamzai nading panmun tuamtuamte khen in mapanna tampi aneih banah April, 2011 in kawlgam sungah aom/teeng ZOMI Pasian na semte huh piakna dingin itna leh veina tawh “Dong Huh Na leh Citpiakna” ci-in nasep thak khat neih dingin Social Welfare & Cultural Department pan in gelna kinei hi. Huh piak dingte anuai a bang hi.
1. Pasian ading kum tampi semin citak aa, bang mah paubanna aneilo mi,
2. Pawlpi deidana omlo, Zomi sung bek hi ding hi.
4. Pawlpi pan en zonawnlo, panpih zonawnlo in, nuntakna ding lungkham -genthei aom Pasian na sem mi-te hi ding uhhi.
Huhngah Ding Mi
Hih huhna ngah ding mi tawh kisai in gelsa le ngaihsutsa omnailo hi. Atung a thu tawh kituak piak ding kilawm Pasian nasem mi natheih/ namuhna aom leh Social Welfare & Cultural Department ah ki zasak thei hi. Pawlpi updan, kampau leh dinmunte deidanna omlo hi. Zomi Pasian nasem mi khat hi ding hi. A kingah thu ( Information )khempeuh S&C Department in enkik dingin, a ngah ding kilawm(Qualify) pen pen ki kipsak ding hi.
Huh Piak Hun
Huh piak hun pen kum khat in khatvei ta hiding hi. Atawm, atam hilo in, aom zahzah, akingah zahzah ki khakkhia ding hi.
Nang Zong Kihel Thei
Piakzah Ding
Hih huhpiakna tawh kisai in, piakzah ding ciangtan omlo hi. Piakzawh zahzah kisang hi. (e.g U.S sum- Cent khat pan atungsiah ki sang hi.) Piakpah ding aom kei leh zong kamciam tawh ki mapiak thei hi. Check/ Money order/ Cash(sumtang) bek kisang ding hi. Check tawh ahih leh Payable to “Myanmar Mission Church” hi dingin, Memo ah Donghuhna leh Citpiakna na gelhsak in. Piakdan ding zong anuai abangin ki piathei hi. Manlahna leh buaina tuamtuam hangin nong khak thei kei leh zong, hun nangah teh, direct in na deposit theih dingin, Bank min leh account number te anuai a bangin kong theisak uh hi.
Nangma Kingapzah Tungah Kamciam Piakdan –TEL IN:
(..... )1. Khasim(Monthly) in,
Pasian ka itna leh ahaksa Pasiannasemte ka itna tawh(_________.Dollar) piak dingin kakhensat hi.
(or)
(..... )2. Kumkhat ading in,
Pasian ka itna leh ahaksa Pasiannasemte ka itna tawh(__________.Dollar) piak dingin kakhensat hi.
(or)
(.... )3. Akum leh akhasim cih bang hilo in,
Tutung pen bang mah kamciam leh piakdan te tawh hilo in, Pasian ka itna leh ahaksa Pasian nasemte ka veiluatna tawh hizah(_____________.Dollar) in hong ki hel ing. Mailam ading bel thu kizalai ni.
Kizawpna
Dong Huh Na leh Citpiakna tawh kisai atheinuam leh huhna apianuam i om leh anuai ah kikhak thei leh kidong thei hi.
Myanmar Mission Church
Social Welfare and Cultural Department
P.O.Box 6676
(561) 707-8729
Comment
"USA Thupuak"
VERSES OF THE DAY
1 Corinthians 1:10
“[A Church Divided Over Leaders] I appeal to you, brothers and sisters, in the name of our Lord Jesus Christ, that all of you agree with one another in what you say and that there be no divisions among you, but that you be perfectly united in mind and thought.”Christian Headlines news
US gambup Online Prayer
"US gambup Online prayer line pan thunget sak na asawt loin kihong ta ding hi" USA gambup ah om, Zomipih te sungah vai tuamtuam leh thu tuamtuamte hangin mimal leh innkuan sungah haksatna anei tampi ih om hi. Hih haksatna te hangin thungetsak ding alunggulh mi tampi mah zong ih om hi. Hih bang a, thungetsak ding alunggulh mitampi-te in, omna ki batlohna leh omna kigamlatna te hangin thukizakna leh kizopna nei theilo hi. Ahi zongin, Khalam ah Pasian mizat leh thungetna lam ah a hat mi-te in, veina leh deihsakna lianpi tawh kipiakhia a, thu hong ngetsak dingin ki gingsa in om uh hi. Tua ahih manin omna ih ki gamlat hang, amanlang thei pen a, thu kiza a, thu ki ngetsak theihna ding in, Phone Line (Prayer Line ) pan thungetsak theihna asawtlo in ki hong ta ding hi. Hih thu tawh kisai in atheinuam ih om leh (561)707-8729 ah ki kanthei hi.************************************* ******************************
************************************************************************
*******************************************
*******************************************
*******************************************************************************************************************************************************************************************************************
© 2013 Created by Myanmar Mission Church.
You need to be a member of MYANMAR MISSION CHURCH to add comments!
Join MYANMAR MISSION CHURCH