Social

 

 

SOCIAL DEPARTMENT

Pa  Zam Suan Pau

Myanmar Mission Church

 ATANGTHU TOM

    Pa Zam Suan Pau pen Zogam, Cikha khuapi ah suak hi. A Pa Pu Zam Khan Suan leh a Nu Pi Thang Khan Niangte hi-in, Suahpih unau sanggam kua(9)pha uh hi. Amah pen unau sungah u pen lampan in a nihna ahi hi. Pa Pau pen Pasian a it mahmah khat hi-in, India gam pan  Lai Siangtho sang a mankhitteh kawlgam sungah Pawlpi leh Lai Siangtho sang tuamtuamte ah Pasian na sem hi. Tulaitak in a zi Nu Thang Deih Huai leh a tanu thum tawh North Palm Beach, Florida ah teeng uh hi.

PAWLPI SUNGAH PANMUN

     Pawlpi sungah Nopna,Dahna leh Ngeina lamah panmunpi(tavuan) len in om hi. Hih panmun pen Pawlpi ading in, athupi mahmah nasep lianpikhat hia, thulehla amanlang thei pen a, kizak zawhna ding leh ahunlap a kipanpih zawhna ding ahi hi. Tua banah i Zomi Ngeina te khahsuahlo a kepcin' theihna ding leh hilhsawn kik theihna ding ngimna lianpi zong ahi hi. Hih thu tawh kisai in, sepnop, dotnop leh ngaihsut piaknop aomleh, ama tungah kizasak thei hi.

******************************************

GEN VAI TAWH KISAI KI VAIPUAKZIA

 (A) Pawlpimite tawh kisai-in Genvaihawmna

     Pawlpi sungah Gen vai tawh kisai-in ki vaipuakzia ding anuai-a bangin ki nei hi. Gen vai i cih teh Donghu(Emergency Fund) zong ki ci hi. Hih Gen vai pen Pawlpi sungah Pawlpimikhat in deihloh pen in sihna hong neih leh pawlpi pan in bangci bangin huhna leh panpihnate koici bangin neithei ding hiam cih thubulpi ahi hi. Hih huhna leh panpihnate neihzawhna dingin pawlpi pan atuam in sum donna ki nei nawnloin pawlpi pan special tak-a pawlpimite itna tawh piakkhiatna leh sepkhiatna ahi hi. Tua ahih manin Gen vai tawh kisai-in Pawlpimikhat in koici bangin ngahthei ding hiam cih thu anuai-a bang ahi hi.

1. Kuate in hih Gen vai sum huhna ngah thei ding hiam?

   a) Pawlpi misuahna (Form) akhia mi leh Active member hi ding hi.

   b) Pawlpi tungah khasim in sawmah khat leh sumpi tuamtuamte tawh Pasian tung

       leh Pawlpi tungah adiktak, acitak mi hi ding hi.

   c) Atawm pen kha khat in, nih vei biakinn ah biakpiakna nei mi, hi hamtang ding

       hi.

2. Hih Hamphatna(Benefits) sum bangzah ngah ding hiam?

   a) Atung-a No(1)na banga Pawlpi Active member khat ahihleh, Full(Avekpi)in

       ngah ding hi. Full(Avekpi)i cihteh $5000.00 tawh huhna ngah ding hi.

   b) Naupaai Nupi khat ii nau(kha 5 pan kha 9) sungin deihloh pen in damlohna leh

     sihna khat a omleh, Full benefit(Avekpi)$ 5000.00 ngahlo dinga, half  benefits

     alang ($2500.00) bek ngah ding hi.

3. Banghangin Pawlpi in hih Genvai huhna(benefits)geel sak hiam?

    Banghang hiam cihleh, Pawlpimite in Topa a itna leh Pawlpi a itna tawh sawmah

    khat leh sumpi tuamtuamte tawh citakin hong piakkhiatnate hangin Pawlpi in

    pawlpimite tungah itna lahkikna, huhna leh panpihna ahi hi.

    Hih Genvai benefits adingin Pawlpi in a tuam in pawlpimite tungah sum donna,

    ngetna neilo hi.

4. Pawlpi sungah hih Genvai huhna(benefits)ngah theilo ding mi aom hiam?

    Pawlpi sungah Pawlpi active member khat ahihnakleh, hih genvai huhna sum 

    tawh kisai-in ngah theilo ding cih omlo hi. Banghang hiam cih leh, Pawlpi in

    pawlpimi(active member)khat ahihnakleh, Pasian kammal bangin a sawmah khat

    leh sumpi tuamtuamte tawh diktak leh mantakin pia dinghi cih lamen leh um ahih

     man ahi hi.

5. Pawlpimite tawh kisai-in Genvaihawmna

    Pawlpi sungah deihloh pen in pawlpimite khat-in sihna hong neih leh, a tung-a

    benefit(Donghu)na sumte anungtalai azi/apasal/atate leh innsung vai tawh

    kisai-in thuvaihawmpa tungah ki ap(pia) ding hi. Tua banah Pawlpi pan innteekte

    lunggulh leh sepnopna khempeuh thu leh la, thagui thatang, ngaihsutpiakna

    akipan vai sep ding bawl ding khempeuh huh in mapanpih ding hi.

         Deihloh pen in ni khat/hun khat sungah mikhat bek hilo, minih pan atungsiah

     sihna aomleh hih benefit(Donghu)sum ahi, mi khat tungah kipia ding sum $

     5000.00 pen hawmsak ding maw, ahihkeileh bangcih ding cih pen tua hun ciangin

     Siapa leh Pawlpi upa-te in vaihawmna nei ding uh hi.

 

(B) USA gam sung leh Florida State sung tawh kisai-in Genvaihawmna

     i) Pawlpimite ii Innkuanpih(Immediate Family)khat-in State dang khat(out

         of State)ah hong nusia leh;

         Pawlpibup tangin siapa maw, ahihkeileh mikhat ki pai sak dinga lamsaap

         khempeuh pawlpi in sik ding hi. Tua banah sep theih huh theih aom bangbang

         pawlpi tangin mapanna va nei ding hi. Tua bekthamloin Pawlpi pan in

         donghuhna sum $ 200.00 leh Pawlpi pan paakkual khat kipia ding hi.

      ii) Pawlpimite ii Innkuanpih(Immediate Family)khat-in State sung(Florida

           State)ah hong nusia leh;

          Pawlpi vaihawmna tawh a painuam khempeuhte a dingin Motor Vanpi khat

          ki kawm ding hi. Pawlpi pan a pai zo bangbang hanciam in ki pai ding

          hi. Pawlpi tangin septheih, bawltheih aom bangbang mapanpihna va nei ding 

          uhhi. Tua banah Pawlpi pan Donghuhna sum $200.00 leh Pawlpi min tawh

          paakkual khat ki pia ding hi. Sigal pai teng inn hong tunkikkhit lamteh

          Pawlpimite'n antawi pua-in Innteekte annekkhoppihna nei ding hi.

(C) Kawlgam sung leh Mundang tawh kisai-in Genvaihawmna

       Hih genvai pen Pawlpimite ii innkuanpih(Immediate Family)khat-in kawlgam

       sung maw ahihkeileh, mun dangah(USA gam sunghilo) hong nusia leh, sihna

       thu kizak ni mah-in Pawlpi min tawh innteekte innah hehnep kikhopna neihpih

       ding hi. Sihvui ni nitak teh pawlpimite'n antawi pua-in innteek te innah

       annekkhoppihna nei ding hi. Tua banah Pawlpi pan Donghuhna sum $200.00

       innteekte tungah ki pia ding hi.

DAMLOHNA HANGIN HUHPIAKNA

 I. Pawlpi sungah Pawlpimite damlohna hangin Huhpiakna     

     Pawlpi sungah damlohna hangin zankhat sang atamzaw Zato lum pawlpimi aom leh, Pawlpi in pawlpimite tungah itna lahna in vehna(donghuhna) sum $100.00 ki pia ding hi. Hih donghuhna sum in mihing lam pan bangmah gentaak keiphial mahtase leh, Pawlpi in itna, veina lahna leh thungetna tawh kong huh kong panpih uh hi cih theihsak nopna bulpi ahi hi.

II. Kawlgam Pasiannasemte damlohna hangin Huhpiakna

    Pawlpi in kumsim-in kawlgam sungah damlohna hangin haksatna nei Zomi Pasiannasemte tungah donghuhna sum pia khia hi. Kum khat in mi nih tungah huhna sum kipia-in mi khat teh kawlgam sum Teng khat ta ahi hi. Mailam ah pawlpi in sum lam hatna tawh kizui-in piakkhiatna ki nei toto ding hi. Tuciangciang piakkhiatna te SOCIAL Headingpi nuai-ah sub headingte en-leng kumsim mapannate ki mu thei hi.

 ******************

US GAM SUNG LEH GAMDANG AH SEPKHIATNA LEH MAPANNATE

     Leitungah Minam tampi om in, minam khatin zuihzia, zatzia leh ngeina khatta ki nei hi. Tua banga, i neih i ngeinate pen tua minamte a hoihin, tua minamte a hoihlo ci-a gentheih omlo hi.  Ngeina khempeuh in amun leh a minam adingin ahoih ahi hi. Ki simmawh sak theih, ki neumuhsak theih cih omlo hi.

     Pasian in minam tuamtek, ngeina tuamtek a nei dingin hong bawl' ahi hi. Tua i ngeinate in hong etlawm sak bekloin i bukimna hong lak hi. Gentehna in Paak(Flower) zong nam'tuamtek in aom hang, tua nam'tuamtek in amau hoihna leh athupinate hong lak-in etlawm sak mahmah hi.

     Tua ahih manin Pasian hong piak ahi, i minam, i ngeina leh i kampaute it bek  hiloin, a kemcin'zo leh tusawn tazsawnte a hilh zo dingin ih Topa Pasian in thupha hong pia hen cih ka thungetna uh ahi hi. 

 

DONG HUH NA & CITPIAKNA
     Myanmar Mission Church(MMC) pawlpi in, Topa gamzai nading panmun tuamtuamte khen in mapanna tampi aneih banah April, 2011 in kawlgam sungah aom/teeng ZOMI Pasian na semte huh piakna dingin itna leh veina tawh “Dong Huh Na leh Citpiakna” ci-in nasep thak khat neih dingin Social Welfare & Cultural Department pan in gelna kinei hi. Huh piak dingte anuai a bang hi.
1. Pasian ading kum tampi semin citak aa, bang mah paubanna aneilo mi,
2. Pawlpi deidana omlo, Zomi sung bek hi ding hi.
3. Damlohna hangin Pasianna sepna ah mapan zawhna zong a nei zolo, tua ahih keileh, Fulltime in a semzolo te hi ding hi.

Huhngah Ding Mi
     Hih huhna ngah ding mi tawh kisai in gelsa le ngaihsutsa omnailo hi. Atung a thu tawh kituak aa, piak ding kilawm Pasian nasem mi natheih/ namuhna uh aomleh Social Welfare & Cultural Department ah ki zasak thei hi. Pawlpi updan, kampau leh dinmunte deidanna omlo hi. Zomi Pasian nasem mi khat hi ding hi. A kingah thu ( Information )khempeuh S&C Department in enkik dinga, huhna ngah ding kilawm(Qualify) pen te ki kipsak ding hi.

Huh Piak Hun
     Huh piak hun pen kum khat in khatvei ta hiding hi. Atawm, atam hilo in, aom zahzah, akingah zahzah ki khakkhia ding hi.

Nang Zong Kihel Thei
     Kawlgam, Zomi Pasian nasemte sungah pawlkhat Pasian nasemte in huhna leh panpihna zong ngahlo in, Pasian aitna leh Pasian sapna tawh citak in na sem uh hi. Munkhat khat ah Pawlpi in anek ding, azat dinguh akicingin pia zolo uh ahih manin Innkuan sung nuntakna haksapi, gentheipi mahin Pasianna sem mitampi mah om hi. Hibang teng tawh lungkialo in, genthei haksapi in Pasianna sem uh a, khat veivei amau nuntakna leh Innkuan sungah damlohna tuamtuam hong om takteh, a kibawlna ding zatui, zaha leina ding takpi zong neilo uh ahih manin, ahun cinglopi-a, hong nusia i sihsuah Pasianna sem mi citak tampi om khin hi.
     Hih cibanga om  i it, a citak Pasianna semte ih et, ih kep ding pen i mimal tungah mawhpuakna lianpi om hi cih ka mu hi. Pasian nasem ka cihteh, Pasian nasemte tawh ahih kei leh Pasian nasepna tawh akipengding in Zomi sungah mikhat beek ka mu kei hi. Nang mahmah in Pasian nasem khat zong nahi thei kha dinga ahih keileh, Na innkuan sungah na Nu/Pa, Na sanggampa/nu khat zong hikha thei ding, ahih kei leh na tanau sung, na meltheih sungah cih bangin mi khat teitei om dingin ka um hi.
     Tua ahih manin haksatna nei Zomi Pasian nesemte huhna leh panpihna ding tawh kisai kong pulakna uh, Zomi Uu leh Nau , nu leh pa akuamaciat in zong hong lainatpih, hong lungngaihpih, hong veipih dingin kong lamen uh hi. Eiteng mah in i vei kei a, i pankhop kei leh kua in ei tangin dingin Zomi Pasian nasemte hong huh hong panpih zolo ding hiam? Tuni-in zingsang khat i annektang maw, cihbang khat-in atampi ahizo kei pahzong tawmta teek gawmkhawm leng tampi hong phakteh na lianpi ki semzo ding ahi hi.
     Hun leh nite hong bei ma-in, a haksa Pasian nasem te huhpiakna ah mikhat bek vaihawmna leh piakkhiatna tawh ki semzolo ding a, hih bang nasepna hong veipih nu le pa, Uu leh nau akua matek in nong huh nong panpihna uh tawh maa kipang zo bek ding ahih manin, khut kilen a, mapang khawm dingin Topa mintawh kong zawn uh hi.

Piakzah Ding
     Hih huhpiakna tawh kisai in, piakzah ding ciangtan omlo hi. Piakzawh zahzah kisang hi. (e.g U.S sum- Cent khat pan atungsiah ki sang hi.) Piakpah ding aom kei leh zong kamciam tawh ki mapiak thei hi. Check/ Money order/ Cash(sumtang) bek kisang ding hi. Check tawh ahih leh Payable to “Myanmar Mission Church” hi dingin, Memo ah Donghuhna leh Citpiakna na gelhsak in. Piakdan ding zong anuai abangin ki pia thei hi. Manlahna leh buaina tuamtuam hangin nong khak thei kei leh zong, hun nangah teh, direct in na deposit theih dingin, Bank min leh account number te anuai-a bangin kong theisak uh hi.
Church's Name:    :  Myanmar Mission Church
Bank Min:              :  Wells Fargo
Account no:           : 2000049327137
P.O.BOX 6676
Lake Worth, Fl - 33466
Phone No :      : (561 ) 707-8729
 
      Nong piakkhiatna tungtawn in Topa'n azah tampi thupha hong pia ta hen. Amen. Hehpihna tawh na min leh na omna hong theisak hamtang in. Thu hong ngetsak nuam hi ung.

Na ki ngapzah tungah Kamciam Piakdan:
(..... )1. Khasim(Monthly) in,
Pasian ka itna leh ahaksa Pasiannasemte ka itna tawh(_________.Dollar) piak dingin kakhensat hi.
(or)
(..... )2. Kumkhat ading in,
Pasian ka itna leh ahaksa Pasiannasemte ka itna tawh(__________.Dollar) piak dingin kakhensat hi.
(or)
(.... )3. Akum leh akhasim cih bang hilo in,
Tutung pen bang mah kamciam leh piakdan te tawh hilo in, Pasian ka itna leh ahaksa Pasian nasemte ka veiluatna tawh hizah(_____________.Dollar) in hong ki hel ing. Mailam ading bel thu kizalai ni.

Kizawpna
Dong Huh Na leh Citpiakna tawh kisai atheinuam leh huhna apianuamte adingin  anuai-a address ahizong, Phone number tawh ahizong  kikhak thei leh kidong thei hi.
Myanmar Mission Church
Social Welfare and Cultural Department
P.O.Box 6676
Lake Worth, FL-33466
(561) 644-1259
(561) 707-8729
E-mail tawh zong hong contact thei hi teh. mmcflusa@gmail.com hi.

Comment

You need to be a member of MYANMAR MISSION CHURCH to add comments!

VERSES OF THE DAY

Matthew 4:10 (NLT)

Matthew 4:10 (NLT) "Get out of here, Satan," Jesus told him. "For the Scriptures say, 'You must worship the Lord your God; serve only him.' "

US gambup Online Prayer

"US gambup Online prayer line pan thunget sak na asawt loin kihong ta ding hi" USA gambup ah om, Zomipih te sungah vai tuamtuam leh thu tuamtuamte hangin mimal leh innkuan sungah haksatna anei tampi ih om hi. Hih haksatna te hangin thungetsak ding alunggulh mi tampi mah zong ih om hi. Hih bang a, thungetsak ding alunggulh mitampi-te in, omna ki batlohna leh omna kigamlatna te hangin thukizakna leh kizopna nei theilo hi. Ahi zongin, Khalam ah Pasian mizat leh thungetna lam ah a hat mi-te in, veina leh deihsakna lianpi tawh kipiakhia a, thu hong ngetsak dingin ki gingsa in om uh hi. Tua ahih manin omna ih ki gamlat hang, amanlang thei pen a, thu kiza a, thu ki ngetsak theihna ding in, Phone Line (Prayer Line ) pan thungetsak theihna asawtlo in ki hong ta ding hi. Hih thu tawh kisai in atheinuam ih om leh (561)707-8729 ah ki kanthei hi.

****************************************************************************** ***************************************

© 2014   Created by Myanmar Mission Church.

Badges  |  Report an Issue  |  Terms of Service