Sagaing Misson

SAGAING MISSION IN MYANMAR

 

MISSION THUPI NA
     Kawlgam ah mibuppi 100 ah 94 bangin, thu-umlo dawibiakna anei mi ahih manin Mission nasepna leh Mission sem nuamte ading kawlgam leitang pen munhoih leh leitang hoih mahmah na khat ahi hi. Tua hi-in, Pasian thu theinailo kawlmi omna muntampite lakah Sagaing gam pen mission nasepna dingin zong munhoih mahmah khat ahi hi. Hibang a Pasian thu atheinailo kawlmi tampite in Zeisu hoihna te thei a, honpa leh gumpa in hong san' theihna dingun mission nasepna in thupi mahmah bekthamlo in, alotheilo a sepding Pasian hongsawl thuum mite mawhpuakna lianpi a hihi.

AMUN LEH AGAM
     Sagaing khuapi pen Kawlgam ah khuapi nihna ahi, Mandalay khuapi pan tai thum ki gamlakna ah om hi. Gamlaizangah om ahih manin ni nakpi sa-in leitang keeu hi. Annek tuidawn akipan omna khawlna haksa hi. Tua mun a omleh teeng kawlmi te khuamuhna zong neu ahih manin, atamzaw mite gilo thei hi. Khua mibup i 99% pen thuumlo mi( Budda)Biakna zui veve ahih manin midang leh biakna dangte lutding phalo, sang zolo in, christian biakna aomsa te nangawng nawngkai sak den uh hi.


MISSION KIPAN
     Laisiangtho sungah Mark 16:15-16 ”The Great Commission” Sawlna Lianpi- ahi, Pasian hongsawlna gammial nasep khammangthangmatna in Pasian lungtang leh tupna lianpi ahi hi. Pasian hong sawlna aom bangin Myanmar Mission Church pawlpi in kawlgam, Sagaing khuapi ah 2008 kum in Mission nasep kipan khia hi. Hih khuapi sungah  Sia Lun Za Thangte innkuan missionary ding in kipuak hi.


NGEINA LEH TATZIA
     Minam leh ngeina te kibanglo ahih manin, gamtak luheek zong kibang nawnlo hi. Kawlmi tamna mun khat ahih manin kawlngeina mah ki zang hi. Mithak leh pemthakte thei uh hi. Tua banga pemta mithak khat amuh uh leh lamdangsa in, bang thu tawh hong om, bang vai nei, bangsem cih akipan theinuam, kannuam pah uh hi. Tatzia luhek a kipan ih thu ih la te hong kan in, Biakna vai tawh i teen lam hong thei leh hong hawlkhia ding bekthamlo in mimal nuntakna zong lauhuai hi.


TULAITAK NASEPZIA
     Munthak leh gamthak ahih manin haksatna tampi kituak hi. Sepdan ding tawh kisai in zontawm, kantawm leh tualmi tawh kitheih, kitel masak ding ahih manin hun tampi la in hun tampi mah bei hi.

     Amasa pen in Mission field ah nasem dingin alunglut leh akipiakhiazo ding aki zon ciangin, Pasian hehpihna tawh Sia Lun Za Thangte innkuan hong om thei hi. Siapa pen Homalin khuapi pan hi-in, Pasian a it leh khamangthang avei mahmah khat ahi hi. Amau in hih bangin lunglutna te hong neih uh teh, amau tawh ki ho in, amau khensatna tawh 2008 kum in Sagaing khuapi ah mission nasep kipankhia hi. Siapa te omna ding Innkhat kisap sak, azat dingin Setbeng(Bicycle) khat ki leisak in, nasep kipan uh hi.

     Amun amual i et teh, ahaksa mahmah, abing mahmah, Pasian thu theinailo, zanailo kawlmi te teengnalak hiphial mah taseh leh lungkialo in, thungetna tawh mapang in sem hi. Pasian in hong zatsak in, kawlmi innkuan khat in Zeisu honpa leh gumpa in sangin tuiphumna neikhin hi. Aveng kawlmite omna tuamtuam ahzong innvak in Pasian thu genna neithei ta hi.

     Tuni dong Mission nasepnate  i etkik teh, Topa’n lampi hong honsakin, damdam in kawlmi te lakah kilutlut thei ta in, mitampi'n hong lunggulhna kingah ahih manin Pasian hehpihna i phat hi. Tua ahih manin mailam ah alianzaw, azaizaw in, nasepna te zopdingin lunggulhna nei i hih manin, thuum mimal i thungetsakna leh sumlehpaai tawh nong huh nong panpihna ka kisam mahmah uh hi.

THUNGET DING
1. Mission nasem siapa te innkuan cidamna ding
2. Pasian in hongzatsak a, khammangthang tampi hong matzawhna ding
3. Mission nasep akip semsemna ding
4. Sagaing Mission in, phualpi hong suak a, mundang ah zong Mission nasepnate neihzawh lai na ding
5. Akisam mun leh gam leh vanzat dingte neihzawhna ding

TUPNA LEH GELNA
     Sagaing Mission tawh kisai in mailam ah azaizaw nasep lianpi kipankhiat zawhna dingin lunggulhna kinei hi. Mission nasepna tawh kisai in, Mailam ah Project tampi kinei hi.

1. Leitang lianpi khat neihzawhna ding.
2. Inn lianpi khat lamzawhna ding( Hih innpi sungah Siapa te innkuan omna ding, Biakpiakna mun leh adang Naupangte laihilhna mun te om ding hi,)
3. Mehteh mehgah bawlna leh ganhing khawina zong neih ding( A mun tawh kizui in nasepna te neih ding thupi hi. Banghang hiam cileh amun ateeng kawlmi te in Pasian thu tawh ateeng khat a, hong muhloh ding thupi hi)
4. Pawlpi sungah zat ding van tuamtuam neih zawhna ding( Pawlpi in vante neih ding ki sam in, ahunzui in pawi dan bawl a, veng leh pam kawlmi te sap zel ding ahi hi)
5. Siapa te innkuan zat ding akisam van te leisak zawhna ding

 

GAMMAIL A DING HUHNA

     Hih Gammial na sepna ah Pasian aphawklo, atheinailo mite Pasian hong uptheih, hong santheihna dingin itna leh lainatna tawh nong huh nong panpih nop leh lungdam takin hong kisang ding hi. Nang mah ki zawh zahzah dollar khat maw? dollar nga maw?....etc piakzawh zahzah ki sang hi. Direct in Bank ah nong deposit nop leh zong bank min leh account number te anuai-a bangin kong theisak uh hi.

 

Church's Name:      : Myanmar Mission Church

Bank Min:                : Wells Fargo

Account No:            : 2000049327137

MAILING ADDRESS:

P.O.BOX 6676

Lake Worth, FL- 33466

Phone No. :            : (561) 707-8729 

 

GENNOP, DOTNOP NA NEIH LEH;

MYANMAR MISSION CHURCH

Department of Home & Foreign Mission

P.O.Box 6676

Lake Worth, Fl-33466

Phone Number ( 561) 707- 8729 

E-Mail Address:   :mmcflusa@gmail.com

VERSES OF THE DAY

Mark 16:17 (NKJ)

Mark 16:17 (NKJ) "And these signs will follow those who believe: In My name they will cast out demons; they will speak with new tongues;

US gambup Online Prayer

"US gambup Online prayer line pan thunget sak na asawt loin kihong ta ding hi" USA gambup ah om, Zomipih te sungah vai tuamtuam leh thu tuamtuamte hangin mimal leh innkuan sungah haksatna anei tampi ih om hi. Hih haksatna te hangin thungetsak ding alunggulh mi tampi mah zong ih om hi. Hih bang a, thungetsak ding alunggulh mitampi-te in, omna ki batlohna leh omna kigamlatna te hangin thukizakna leh kizopna nei theilo hi. Ahi zongin, Khalam ah Pasian mizat leh thungetna lam ah a hat mi-te in, veina leh deihsakna lianpi tawh kipiakhia a, thu hong ngetsak dingin ki gingsa in om uh hi. Tua ahih manin omna ih ki gamlat hang, amanlang thei pen a, thu kiza a, thu ki ngetsak theihna ding in, Phone Line (Prayer Line ) pan thungetsak theihna asawtlo in ki hong ta ding hi. Hih thu tawh kisai in atheinuam ih om leh (561)707-8729 ah ki kanthei hi.

****************************************************************************** ***************************************

© 2014   Created by Myanmar Mission Church.

Badges  |  Report an Issue  |  Terms of Service