A MERRY CHRISTMAS AND A HAPPY NEW YEAR TO YOU ALL!

1. BUHPHAM LEH SUHBU TE KAIHKHOP HUN
   Hong tung ding Sunday(12/21/2014)ni teh WM(Nupi)te makaihna leh vaihawmsiamna tawh i neih ahi, BUHPHAM te kaihkhopkikna ki nei ding hi. Hih khutpham(Buhpham) pen tukum ading in atawpna i kaihkhop hita hi. Hicibang a Topa i itna leh Pawlpi i itna tawh aom bangbang kaikhawm in i mapanna leh i piakkhiatnate thupi mahmah hi. Ih Topa Pasian in WM nupite thupha hong pia henla, mailam ah hih sangin a lian zaw Topa gam ading na sepna,  mapan'na te ong neihzawh semsem na dingun khalam thahatna, pumpi cidamna leh khansauna thupha te hong piaksak lai ta hen. Amen.
     Suhbu zong maisawn Sunday(12/28/2014)niteh kaihkhopkikna om leuleu ding hi. Tua ahih manin nulehpa, nungak tangval te in hehpihna tawh hih SUHBU i puak (Kaihkhop) ding ni ciamteh in i mangngilhloh na'ng Topa min tawh kong theisak kong zasak kik uh hi. Hih cibangin itna tawh i piakkhiatna tungtawn in  akamciam apelngeilo i Topa Pasian in a zah tampi in khalam, taksalam thupha tawh hong thuk kik ta hen. Amen.

2. CAROL SINGING  KI MAN DING HITA!
     Pasian hehpihna leh hong ompihna tawh tukum Carol Singing pen nungkum(abeisa kum) sangin nuam ki sa zaw, ki lawp zaw in, a paikhempeuh in hici bang a lungdamna tak tawh Christmas te  i dawntheih i muaktheih pen hampha mahmah hihang ei kici tek hi. Pasian hong piak hun hoih hunnuamte ama adingin manphatakin i zatkik theih, a lungdam theih pen mi hamphate i hi hi. Nektheih tuamtuam tawh ahizong, nitak an vakna tawh ahizong, sumlehpaai tawh ahizong thupi tak leh it sikhetlo a Topa mintawh i piakkhiatnate in tha tampi hong piangsak ahih manin Pawlpimite leh Carol Singing a paikhempeuhte tungah lungdamna lianpi i pulaak hi.
     Friday nitaak(12/19/2014)pen Carol Singing atawpni zan hita hi. Pa Tuangte inn ah kipan dinga, Pa Suan Mangte inn ah zawhna(manna)pawi ki nei ding hi. Tukum adingin atawpna nitaak Friday nitaak-in akua matek i paizawh kim na'ng hanciam ciat ni. Carol Singing zanvaak i mankhitteh carol singing paina inn leh sumngahna sazian khempeuh damin hong ki zasak kik ding hi.

3. CHRISTMAS NI(DECEMBER 25)
   Tukum Christmas pawi pen a pualam(outdoor) ahi PARK ah neih dingin kivaihawm in amun zong ki booking khinta hi. Zingsang nai 7:00 in Park ki hong dinga, nitak lam 5:30 pawl in Park kikhak ding hi. Pawlpimi khempeuh kuamah khualzin gamvak omlo in, kimtak in i kihelzawhkim ding ki lunggulh mahmah hi. Hunnuam i neihna dingin khuahunte hong votluatlohna ding leh akua matek cidamkim a i kihel zawhciat na'ng thungetna ah nei tek ni. Pawi tawh kisai-in thuvaihawm ding leh Pawi lutangpi ding pen Sia Paupek hi-in nek leh dawn vai ahizong, ki mawlna(game)tawh kisai ahizong akisam aom bangbang ama tungah ki dong thei hi. Tuaban ah hih Christmas ading sum leh paai tawh ahizong, van tuamtuam tawh ahizong aki helnuam khempeuh Sia Paupek tungah ki pia thei hi. Christmas ading  akihel mikhempeuh tungah Topan azah tampi thupha hong pia henla, ama hoihna tawh hong tuam ta hen. Amen.
-PARK ADDRESS pen anuai-a bang hi.
  Park Min:   :Burt Aaronson South County Regional
                     Sunset Pavillion(Sunset Buk)
                     1500 Yamato Road-West of Boca Raton, Florida

Theih ding
- Yamato ah Exit khia ding West lam pek taisuak dingin, South County Regional cih Signboardpi na veilam pang ah na om 
                   ding hi. Tua Park sungah hong lutsuk inla, a signneu te ah Sunset Pavillion cih hong zui suksuk in. Water Park(Tui kimawlna)
                   pi na muhteh tua hong kheng suak inla, hong paipai lehteh Sunset Cove Amphitheater building na muh leh tua gei hipah hi.

Park Website
:    :www.pbcgov.com/parks
 
Contact Phone :   : (561)707-8729

4. EXTRA MILE PAHTAWINA
     Tukum(2014) sungin Pawlpi sungah Topa leh Pawlpi ading in Taikhat a Taaibeh(Extra Miles)te tungah Pawlpi pan lungdamkohna in pahtawina letsong piakna ki nei ding hi. Hih letsong piakna pen December 28, 2014(Sunday)nitak in ki pianuam ahih manin pawlpimi akua maciat hanciam in pahtawi piakna neikhawm ding hi hang cih kong theisak kong zasak uh hi.

5. KUMTHAK THUPHA DAWHNA

    Kumthak(January kha 01-Thursday)ni Kumthak pawipi Lake Worth a teng Pi Dim, Pa Khaipi leh Nu Cia Maante innkuan in la-in kumthak nitaak ankuang umkhopna leh Biakpiakna ki nei ding hi. Khazih sungah it leh ngaihte leh pawlpimi khempeuh in amau innkuan tawh lungdamkoh biakpiakna leh kumthak thupha dawhna om ding hi. Hih thupha dawhna pen lungsim bek tawh thupha dawh bek hiloin, practice na om ding ahih manin hong pai khempeuh in INN PAN IN NA THUPHA DAWHNA DING BAG(IP) GOL THEITHEI hong pua ciat ta un. Hehpihna tawh hong mangngilh peuh mahmah kei unla, na thupha dawh ding uh bang hiam(bang nam) cih zong hong ki kumkhol un.

***********************************************************************************************************************

MISSION DAY
- Hong tungding Sunday (Nov. 30)ni pen Pawlpi ii Mission Day in i ciapteh mah bangin Leitungbup Mission na sepna  ading ahizong, Missionaries sem khempeuh te ading ahizong thungetna hun kinei ding hi. Biakpiakna hun khempeuh ah Topa Kha Siangtho in hong ompihna ding thungetna ah nei ciat ni. Lungdam.

BUILDING FUND
- Pawlpi sungah Building Fund ading Faith Promise(Kamciam) i piak te zong atamzaw in hong kipia ta ahih manin ki lungdam mahmah hi. Tukum sung ading upna kamciam i piak ni nunung ding pen tukha November (30) ni khabei ciang hi ding hi. Kamciam a pia Pawlpimi khempeuh in Topa muan'na leh Pasian i itna tawh i kamciam ahih manin, kamciam bangin i piakkim zawh na'ng thungetna ah phawk tek ni. Pasian itna leh Pawlpi itna tawh neihval lamval hipeuh mahlo, aom bangbang tungtawn ah khenkhia-a, a piakhia Pawlpimimal tungah nakpi-nakpi lungdamna kong pulaak uh hi. Lungdamna lianpi zong kiciamteh hi.

VENG HOMECELL ZAWHNA KINEI
 - Pasian in Pawlpi thupha hong pia-in, kumsim in i neih veng homecell te zong tukum adingin tukha November kha sungin zawhna kinei hita hi. December kha sungbup pen Carol singing a kipan Christmas pawi leh kumthak pawi te ading vaihawmna tuamtuam nei ding i hihmanin, veng homecell pen a kiman bawl phot suak hi. Kum khat sung tawntung veng homecell khempeuh ah hong ompih leh Pawlpi mi akuamatek zong cidamna hong pia Pasian hehpihna i phat hi. Tuabanah tukum sung tawntung veng homecell hong makaih vengmakai(Leaders) te tungah zong lungdamna lianpi i pulaak hi.

 

ZOKAM LAI SINAGTHO KINGAH

-Tedim a teng Sia Gin En Cin (Pil Mung ii pa) bawl ahi Tedim lai(Zolai)tawh abawlkhiat Zokam Lai Siangtho(ZIV) bu ki ngah thei ta hi. Honkhat zong ki zuak khin ta hi. A deih i om leh, Hehpihna tawh Sunday niteh Biakinn ah ki lei thei lai ding hi. A vekpi in bu(20) bek hi-in, Black Cover pen $20.00, Red Cover pen $25.00 in ki lei thei hi. Lungdam.

MAI KUM JANUARY KHA SUNG INNVAK THUNGETNA OM DING

-Pasian lamlahna aom bangin maikum(2015)January khabup sung Pawlpikem siapa in Pawlpimite inn sim ah innvak thungetna hong nei ding hi. Maikum sung tawntung ading Topa tungah thupha ngetna, thupha lakna leh pawlpimite tawh fellowship neihna ding ngimna leh lunggulhna lianpi ahi hi. Tua ahih manin Pawlpimi akua matek in i theihkholh dingin aki zasak kholh i hi hi. Siapa in hong pai ding ni leh ahunte innkuan leh mimal tungah ahunzui-in hong zasak ding hi.

PAWLPI MINTAWH GOSPEL PAINA LAWHCING
1. Pawlpi ii lunggulhna leh thungetna aom bangin, St. Petersburg aom i Pawlpimi Pa Tuangte innkuan, Pu Kimsante innkuan leh Thuummite tawh Topa sungah kilawmtatna nei ding, Pasian kammal tawh thapiakna nei dingin October 3,2014 (Friday) nitak lam 4:00 pm pawlin Palm Beach pan ki dingkhia in, Saturday zingsang nai 4:00 kiim pawl in Palm Beah cidam in ki tung kik hi. Pawlpi pan Gospel pai mi (22) ki pha hi.

Pasian hong ompihna tawh nitak nai 7:00 kiim pawl in St.Petersburg ki tungin Pa Tuang leh Nu Lunlekte innah ki pai masa hi. Amau innkuan ading thungetna leh inn thupha piakna ki nei-in tua khitteh Pu Kimsan(Pa Tuang'pa)te innah ki paisuak pah hi. Pu Kimsante innah Gospel paite annekpihna in vok luangkhat na go in, nitak an thupitak leh limcitakin hong vakin zin hong do uh hi. Nitak an gilvahtakin ka nekkhit uhteh nai 9:00 in Biakpiakna ka ki pan uh hi. Biakpiakna sungah Gospel te  kiang pan Pasian phatna langaih nono tawh ahizong, khangno te in choir lasakna tawh ahizong, Gospel group lasakna tawh ahizong thapiakna, Pawlpikeem siapa tung pan Pasian kammal tawh hanthotna leh communion(nekkhawm)piakna ahizong in thupitak in ki nei-in, akua matek in taksa lam leh kha lam ah tha kingah mahmah in nuam ki sa mahmah hi. Tua banah Pawlpi pan in Pa Tuangte innkuan leh Pu Kimsante innkuante tungah lungdamlahna in letsong piakna zong ki nei hi. Biakpiakna hun sungah Kha Siangtho ii hong ompihna tawh nuam kisa mahmah ahih manin zan 12:00 pawl in hun manna ki neizo pan hi.

Motor nih leh Vanpi khat tawh Gospel ki pai hi. Gospel a dingin  Motor, Gas leh nektheih tuamtuamte tawh  hong huh leh hong panpihte ahi, amau motor leh gas dim khat tawh hong zangsak Pa Khaipite innkuan, amau motor hong zangkhia Sia Paupek, lamkal ah motor van adingin gas hong thunsak Pa Mungpi,  Innciah na lamkal ah Coffee lim mahmah tawh hong vak Sia Paupek, Gospel pai lam leh ciah lam ah motor hong hawlsak Pa Mangpu, Pa Mungpi leh Sia Paupekte tung leh a hun tampi hong piakhia Gospel paite tungah nakpi lungdamna Pawlpi pan in kong pulaakkhia uh hi. Hibangin Pasian gam adingin i hun, i neihsa leh i thatangte itsiklo-in hanciam tak aa i mapannate thupi mahmah in, Topa mitmuhna ah zong etlawm mahmah hi. Lai Siangtho sungah "Lungdamna thupuak khe in bang zah in etlawm ahi hiam ci hi." Tua banah Pawlpi pan in thungetna tawh hong panpih Pawlpi mite tungah zong lungdamna i pulaak hi.

Mailam ah Pawlpi min tawh muntuamtuam ah Gospel a paizo dingin Topa'n i Pawlpi thupha hong pia lai ta hen. Amen.

Men Ministry Meeting Lawhcing
1. September 22, 2014(Monday) nitaak in Men(Papi-te)ministry te a(8)veina ki muhkhopna thupi tak leh picing takin Pawlpi zum(office)ah lawhcing takin ki nei hi. Hih ki muhkhopna(meeting) ah Pawlpikeem siapa in Papi-te muakna,  lungdamkohna leh Papi-te pawlpi sungah thupi mahmah ahihna thu hong gen masa hi. Tua khittakteh Chairmanpa Pa Paupek in abeisa meeting kikupna/khensatnate hong pulaak khia-in, tua khitteh meeting paizia ding khempeuh hong gento pah hi. Hih meeting ah a paikhempeuh in khazih mintawh kilawmtatna nuam kisa mahmah in, nai 11:00 kiim pawl in meeting zawhna ki nei hi. Meeting kah khempeuh (5linz) bussiness nei tengin nitak an leh meh lim mahmah tawh hong vak lai uh ahih manin, kam tawh genkhiatzawhloh zah dongin  amau tungah  lungdamna lianpi i pulaak hi.

YOUTH DAY(KHANGNOTE NI)
    August 17,2014(Sunday) ni pen Khangnote ni-in i ciapteh mah bangin hun khempeuh khangnote in hong makaih ding uh hi. Khangnote ni-in Jacksonville aom Agape Church khangnote tawh fellowship neihkhop ding cih i geelna ahih hang, nungkal sungin Jacksonville khangnote mundangah gospel pai-in gimlua uh ahih manin tutung khangno fellowship ah hong paizolo ding uh suak hi. Ahizongin a siapa uh ahi, Sia Khual Lian in hanthotna hong pia ding hi.
     Ih khangno ni pen i pawlpi sungah akhatveina i neih masak pen ahih manin khangno te bekhiloin pawlpi bup-in kilawp mahmah hi. Khangnote vaihawm siamna tawh nitaak annekkhopna zong om ding hi. Tua ahih manin nitak nai 7:00 peuhmahin Biakinn ah i tunzawh kimciat na'ng hanciam tek ni. (Youth Ministry

************************************************

U.S.A GAM SUNG MISSION

NA SEP KIPAN DING

 Zomi te sungah Panpih ding kisapzia:

    Pasian in i thungetnate hong dawngin kawlgam pan i Zomipih tampi USA gam hong puak hi. Hibangin Topa'n hong puakna tawh kizui-in USA State mun tuamtuam ah ki teeng hi. USA gam pen gamkhangto leh gamthupi ahih manin i kawlgam leh i Zogam tawh kibang nawnloin, nuntak khuasak dan, annek tuidawn akipan kampau tampi hong ki lamdang hi.

     Hibang teng hangin mimal leh innkuan sungah lametlohpi-in haksatna tampi ki phu kha hi. Tua bek thamloin Kha lam dinmun Pasian tawh kizopna ah zong tampi ki kiamloh mahmah mawk hi. Hih missionna sepna ding ngimna in USA gam tung Zomite sungah kha lam dinmun haksatna tuakte huhna leh panpihna ding ahi hi.

     Hici bangin nuntakna dingin na ki sem ahih manin midang te tawh kibangin Pasian biakpiakna hun aneitheilote ahizong,  Pasian na semte omlohna hangin Pasian kammal tawh thapiak ding ahizongin (Siampi na sepna tawh kisai)alunggulh mimal leh Innkuante in MMC Pawlpi tungah thu kizasak thei hi. Hih mission na sepna in USA gam sung aom Zomi khempeuh sungah Pawlpi, upna, kampau leh background tuamtuamte deidan omlo in Pasian mintawh mapang aa, na sepkhopna lianpi ahi hi.

Anuai-a bangin Panpih ding lunggulhna aneite in hong zasak un:

1. Pawlpi tungah nong zaksakna uh aom bangin Siapa in vaihawmna nei dinga kul leh a kisam bangin Pasian kammal tawh hanthotna, nekkhawm piakna te akipan Pasian min tawh nasepna hong kinei ding hi.

2. Pasianna sem omlohna hangin Sihna leh sihvuina ding ahizong, Mopawi a ding ahizong, Nauminphuahna-nauapna ahizong, Innthak lutna/apna ding ahizongin haksatna nei, huhna kisamte in Pawlpi tungah ki zasak thei hi.

3. Omna State kibatloh hangin Pawlpi tawh khut kilen aa mapang khawm dingin lunggulhna tawh hong kizomnuamte in Pawlpi tungah thu ki zasak thei hi.

     Hih atung aa pulaakna tawh kisai-in Pasian mintawh na sepna, mapan'na pen Pawlpi in USA gam sung Mission na sepna in ngaihsun a, hangsantak leh thalawp takin sep dingin geelna leh veina lianpi nei hi.

TOPA TUNGAH THUNGET DING LEH LUNGDAMKOH DINGTE

1. Topa tungah thungetna i neih bangin tukum October kha (11)ni-in Pawlpi kum(10)cin' Topa tung lungdamkohna pawipi nuamtak leh gualzotakin neithei ih hih manin Topa tungah lungdamthu i ko masa hi.

      Hih pawi sungah kawlgam pan hong zin, Sia Evan Lang Do Khup in Pasian kammal tawh

hanthotna leh thapiakna bukim takin hong neithei lai ahih manin Topa'n i thungetnate hong

dawng bekloin, i pawlpi hong ompihna kilang mahmah hi. Pawi sungah mundang state pan

ahizongin, venglehpaam pan ahizongin pawi hong siim, hong pai khempeuh nitak an kicingtakin

kivaak zihziah hi. Hong kikhawm khempeuh in kha an leh taksa an thupha kisang mahmah  in, 

lungdamsa leh gilvahsa in, inn lam zuak tek hi.

     Pawlpi leh Kum(10)cin' pawi adingin muntuamtuam pan thu hong ngetsak khazih sungah

U leh Nau, Nu leh Pate tungah Topa mintawh lungdamna kong pulaak uh hi. Kum(10)cin'na

hunkhempeuh "MMCJubilee" cihna video ah kicingtakin ki en thei hi. Lungdam.

              

2. Pawlpi in Biakinn khat neihzawhna ding;

                     a) Veng hoih leh, sak leh khang pan lampi tun'nuamna mun hi ding hi.

                     b) Mi 100 pan 200 kikhop theihna mun hi ding hi.

                      c) Naupang Sangte ading khan(Children room), Annekna leh anhuanna ding khan 

                          ( Dinning/ Kitchen), Pawlpi zum khan(Church office), Thungetna khan(Prayer

                           Room) leh adang van'koihna akipan zatnuam mahmah khat hi ding hi.

                      d) Aman zah pen teng 2 pan 3 ciang hi ding hi.

                      e) Tuzawh kum 5 sungin neihzawhna'ng hi ding hi.

3.  Zomipihte ading:

     a) Gam thumna atung nailo, Thai, Malaysia leh India gam aom Zomipih khempeuh ading:

     b) Kawlgam sung leh muntuam gamtuam aom Zomi khempeuh cidamna ding, nasep hoih  

         munzawhna ding, mipil misiam tampi hong omna ding;

     c) Zomi Pasian nasem khempeuhte ading(Cidamna ding, Pasian mizat hong hihna ding, Pasian

         ading cihtaakna hong neihna ding leh nek ding dawn ding kicingtak tawh Pasiannasemte

         ahihna ding;

4. Kawlgam kumpi leh Ih tuntunna gamte ading:

     a) Ih paikhiatna, i piankhiatna i gam ahi, Kawlgam leh kumpite ading,

     b) Kawlgam sungah Pasian mintawh khakhanlawhna hong tun'na ding,

     c) Zomite tuntunna gamte in Topa kiang pan thupha hong san'na ding,

     d) Zomite tuntunna ah Pasian maipha muhna ding,

             

Views: 304

Comment by Taang Sianpu on July 12, 2011 at 4:55pm
Twitter leh Facebook pan hong update toto thei zeel nahih man un lungdam hangh ei. Thupi hi. Hong zom toto un.Lungdam.
Comment by Johnathan Rosser on June 7, 2012 at 1:58am

Of course, what a splendid blog and revealing posts, I surely will bookmark your blog.Have an awsome day! =-=

Comment by Johnathan Rosser on June 8, 2012 at 10:33pm

Wijs voeding toe en een gezonde levensstijl doorboort een langdurige weg in het bewaren van uw betrekkingen genereert of libido en seksuele viagra 100 mg functie in gepaste koop. Een enorm merendeel van manexpertise een daling van hun libido met leeftijd en punten is naar een rechtvaardig een daling van betrekkingenrit niet beperkt. Typisch vuurt het erectiele storing af die nachtmerries naar heren kan geven. Niettemin is de volgen sommige gemakkelijke dieetregimewijzigingen die u kunnen helpen krijgen een sterke betrekkingenrit en moeilijk en bureauerecties zodat u genoegen in lichamelijk aspect van echt als net zoals u kunt nemen deed in uw jeugdiger vele jaren.volgt een dieet programma ChangesPoor bloedsomloop naar de geslachts is het voornaamste doel dat verminderde libido en seksuele problemen in evenzeer volwassene mannen en meisjes aandrijft. Het is kritisch voor u om uitstekende bloedsomloop naar de penis te hebben om taaie te worden en organisatieerecties. Voedsel dat omloop versterkt zou voor die reden samenstel een belangrijk onderdeel van uw dieet.

Comment

You need to be a member of MYANMAR MISSION CHURCH to add comments!

VERSES OF THE DAY

Psalm 27:1 (NKJ)

Psalm 27:1 (NKJ) The Lord is my light and my salvation; Whom shall I fear? The Lord is the strength of my life; Of whom shall I be afraid?

US gambup Online Prayer

"US gambup Online prayer line pan thunget sak na asawt loin kihong ta ding hi" USA gambup ah om, Zomipih te sungah vai tuamtuam leh thu tuamtuamte hangin mimal leh innkuan sungah haksatna anei tampi ih om hi. Hih haksatna te hangin thungetsak ding alunggulh mi tampi mah zong ih om hi. Hih bang a, thungetsak ding alunggulh mitampi-te in, omna ki batlohna leh omna kigamlatna te hangin thukizakna leh kizopna nei theilo hi. Ahi zongin, Khalam ah Pasian mizat leh thungetna lam ah a hat mi-te in, veina leh deihsakna lianpi tawh kipiakhia a, thu hong ngetsak dingin ki gingsa in om uh hi. Tua ahih manin omna ih ki gamlat hang, amanlang thei pen a, thu kiza a, thu ki ngetsak theihna ding in, Phone Line (Prayer Line ) pan thungetsak theihna asawtlo in ki hong ta ding hi. Hih thu tawh kisai in atheinuam ih om leh (561)707-8729 ah ki kanthei hi.

****************************************************************************** ***************************************

© 2014   Created by Myanmar Mission Church.

Badges  |  Report an Issue  |  Terms of Service