MYANMAR MISSION CHURCH

          USA aom Florida gam pan in "Welcome to Myanmar Mission Church (MMC)" ci-in na taklam khut uh len in hong muak ung. Ih Topa kiang pan nopna leh hehpihna thupha no tungah hong tung ta hen. Florida gam sung nong zinna leh nong hawhna in lungnop tawldamna mun hi henla, nang leh na innkuanpih te ading in thupha hita hen ci-in thupha kong puak uhhi.

          Athu in, Florida gam sung ahi, adiakdiak in south Florida gam lam pen kawlgam-Zogam mah tawh ki bangin khuahun te salua lo, votlua lo hi. Tuipi gei ah om ahih manin tuipi huih te nung hiauhiau a, lunglen huai, khuangaih huai na mun hoih, mun nuam mahmah khat ahi hi. Hawhna ciahna akipan vaaksuk, vaaktohna te ah zong khuadam vuukkhal cihte lau nading omlo in, ih lung nuam mah mah hi. Alamdang muhtheih, et-theih ding zong mun tampi ah om ahih manin, hi-te en ding in mundang State pan leh leitung mun tuamtuam pan mitampi ten khual hong zinna leh a ut mahmah na munlehgam khat ahi hi.

          Tua ahih manin ka omna uh a hi, South Florida gam ah khualzinna khatpeuh ahizong , innlak tanau meltheih kawm a hawhna ahizong nong neih leh, Myanmar Mission Church ( MMC ) ah pel-lo nong ki khop nading, kha tha laakna leh thapiakna te nong neih nadingun itna leh ngaihna lianpi tawh hong sam ung Hih MMC pawlpi ah Ei Zopau ( Zomi Service ) leh Kawlpau tawh Pasian biakpiak hunte ki nei hi.

Ih Topa leh agam ading, I minam leh I gam ading khut ki len in na semkhawm ni. Khut ki len in Ih sepkhop leh miten itna sung ah pum khat hi hang cih hong thei ding uh hi.

Topa leenggah huan sungah,

Rev.Kham Do Thang ( Sia Thangno )

MMC, Florida, USA

1. THAWHKIKNI PAWI ADING BAWNG KI GO

    Tukum(2013) in Pawlpi hanciamna tawh Thawhkikpawi bawlna leh Thu-um mi khat leh khat kilawmtatna hunpi limcitak leh nopcitakin kinei hi. Hih pawi ading leh kilawmtatna adingin 615 lb apha Bawng gol mahmah khat ki go in nitak annekkhopna kinei hi. Pasian hehpihna tawh an leh meh kicing mahmah hi.

     Hih pawi sungah sak leh khang pan lawm leh gual tampi hong kihel thei hi. Pasian hong ompihna tawh hong pai mi khempeuh in taksa lam gilvah bek hiloin, Biakpiakna sung zong nuamkisa mahmah hi. Nitak nai 8:30 pawlin kha lam leh taksa lamah gilvahsa leh lungdamsa in inn lam zuanciat uh hi. 

2. PU VUM ZA NANG IN MMC PAWLPI AH HUN NEI

    Kawlgam pan hong zin Pu Vum Nang in February 24,2013 ni-in Florida a om Myanmar Mission Church(MMC) pawlpi ah Pasian kammal tawh hanthotna leh Zogam ah ii Zomipihte ading a nuntakna pia aa, a nasepna te thupitak leh kicingtak in hong nei hi.

    Biakinn ah hong kikhawm mipi akua matek in thupi mahmah kisa in, tha zong ki ngah mahmah hi. Pawlpi in hih banga Pasian ading leh Ih mipih ading maapang a nasem ahi, Pu Vum Nang tungah lungdam' lahna in Overhead Projector hoih mahmah khat letsong in pia hi.

3. REV. DR. KAM CIN HAU IN FLORIDA AH CRUSADE BAWL

     Pawlpi mite leh thuummi akuaciat in lungngulhna leh thungetna tawh Rev. Dr. Kam Cin Hau ( Pastor of Paradise Mission Center, Mandalay)in 2012 kum November 16-18 sung MMC pawlpi ah Crusade lianpi hong bawlthei ahih manin Topa tungah lungdamthu ih ko masa hi.

     Hih pawipi sungah pawlpimite bek hiloin, muntuamtuam pan zong thuummi tampi hong kihelthei in, khasungah thathak leh suahtakna thak tampi kingah ahih manin akua matekin nuamsa in, ki lungdam mahmah hi. 

4. PA MUNGTAWNG LEH NU NEMPEKTE TUNG PAN NAUMEL HOIH

     August 16, 2012 (Thursday) ni Zingsang nai 10:55 pawl in  Fort Lauderdale,Florida a teeng Pa Mungtawng leh Nu Nempekte in Plantation General Hospital ah tanu mel hoih Lia Elizabeth Liannuamkim Mung cidamtakin hong nei uh ahih manin Pawlpi bupin amau innkuan tawh lungdampihna i pulak hi. Nau ii gihna pen 7 lb leh oz 1 hi-in, a sauna pen letmat 21 pha hi. Nau leh Nu cidam ahih manin Pasian hehpihna  i phat hi.

5. PA PAU KAP LEH NU CING MUANTE TUNG PAN NAUMEL HOIH

     August 14, 2012 ( Tuesday) ni Zingsang nai 5:35 pawl in Miami, Florida a teeng Pa Kap leh Nu Muante in South Memorial Hospital ah Tanu mel hoih Lia That Man Huai cidamtakin hong nei uh ahih manin Pawlpi bupin amau innkuan tawh lungdamkhopna i pulak hi. Nau ii gihna pen 7 lb leh oz 3 pha in, a sauna pen letmat 19 pha hi. Nau leh Nu cidam ahih manin Pasian hehpihna i phat hi.   

Zomi Language;

1. A Lui teng bei in, A thak a piang zo hi.(by Rev. Kham Do Thang)

2. Mission For Christ. (by Sia Mungpi)

3. Na Hih Bangbang tawh Topa Zuan in.(by Rev. Kham Do Thang)

4. Zeisu in Hong It hi.(by MMC Children)

5. Nam Kiim Pasian Thupha.(by Rev. Kham Do Thang)

6."Upna hang a Nawl Khin thuak"( by Dr. Thang Za Tuan)

7."Zeisu Suah Limlahna"( by MMC Children )

8. "Na Neihsa tawh Topa it in"( by Rev. Kham Do Thang )

9."Lungtang Zong Pasian" ( by Rev. Dr. Hen Khan Go )

10. "Taikhat Pailai in" ( by Rev.Thang Khan Mang )

11."Upna Leh Tupna" (by Pa Kam Sian Lian )

12."ZEISU MITSUAN IN"(by Dr.Zam Sian Mang)

13."Pasian tawh ki lawmtakna" (by Rev Dr. Kham Khan Khai)

14."Leitungnate sang in Topa itding hoihzawhi"(by Pastor Kham Do Thang)

15."Tuni in hun nunung hi" (by Pa Ngin )

16." Pasian in Ganhingte zangin a mite thu hilh."(by Pastor Kham Do Thang)

17."ABUKIM LEH AGUALZO PEN ZEISU" ( by Pastor Kham Do Thang )

18."ZEISU BEK ENIN"(by Pastor Kham Do Thang)

19."PA HOIH (by Pa Hang Za Suan)

20." Tel Theih na" (by Rev Go Khan Pau)

Burmese Language;

1. The Word of God- Part (1) ( by Rev.David Lah )

2. The Word of God -Part (2) ( by Rev. David Lah )

3. Blessings Come From God.(by Rev. Kham Do Thang)

4. The Name of Jesus is Meaningful to us.(by Rev. Kham Do Thang)

5." How to Success" ( by Rev. Moo Laa Phaw )

6."It is finished" (by Rev. Thang Lian Khup)

7."Easter Sunday" ( by Rev. Kham Do Thang )

9."Create in me a new heart, Oh Lord" ( by Pastor Kham Do Thang )