A DAMLO ZOMIPIH PASIAN NASEMTE TUNGAH HUH PIAKNA

HUH PIAK NA MASA

( 2012 KUM ADING)

Kawlgam ah teng, Zomite sungah  Pasian itna tawh Pasian lenggah huan sungah damlohna tuamtuamte hangin haksatna, gentheihna leh zawngkhalna tampi tawh mipi theihpihloh Pasiannasem pawlkhat ki om hi.

     Hibang in agenthei Pasiannasemte panpihna dingin MMC pawlpi-in itna leh veina tak tawh "Donghuhna & Cikpiakna" ci-in 2011 kum May kha in pankhia hi. Kipan zawh kumbei ciangin ngah zahzah atawm/atam kaikhawm in kawlgam ah kipuak hi.

     2011 kum in Donghu ading sum $78.93 (Kawlgam sumin 60800.00)kingah hi. A kingah zahzah sum teng khempeuh kawlgam a om Pasiannasemte tungah akipuakkhiatna  leh angah mite man leh atangthu tomte ettheih dingin anuai ah kikoih hi.

BIO-DATA OF REV TUAL KHAN NANG
( Tuiphum Pawlpi )



Pianna

     Phaiza khua a teng Pa Gin ZaTun leh Nu Tuah Khaw Zote in tapa nga leh tanu nih a neihna sung pan a u pen hi. May 6, 1938 in suak hi.

Pilnazonna
- June, 1948 pan March, 1951- Primary sang, Thalmual

- June 1951 pan March, 1953 – Middle School, Tuithang

- July 1962 –March, 1964 dong Bible school, Tahan

 Christian suahna

August 27, 1950 ni-in Pu Gin Za Thawn in athungetsakna tawh Christian suak hi. September 3,1960 kum in, Rev. Zam Khua Lian in Tuiphum hi.

 Zi leh ta neihna

May 12, 1964 in Pu Vung Khua Thang leh Pi Cing Za Ningte tanu u pen Lia Don Dim Cing tawh kiteng in, tapa li leh tanu thum nei hi. Tulaitak in tapa nih leh tanu nih tawh om khawm hi.
Biakna lam nasepna
- 1964 - 1976 – Choir leader- Phaiza Baptist Pawlpi ah sem hi.

- 1967 – 1975 - Hunters Quartet lasakna nei kawikawi hi.

- 1969 – 1976 – Secretary, KCBC sem hi.

- 1976 in KCBC Pastor nasep kipan hi.

- 1986 in Ordination (TBA) ngah hi.

- 1993-1999 dong TBA press Manager sem hi.

Pasianna a sep sung in Mi 240 Christian suak sak a, mi 364 tuiphum hi. Nupa kop 41 tungah Topa mintawh innkuan suahna neisak hi. Biakinnpi  5 honna nei hi.

Damlohna

Hih bang in Pasianna a seplaitak in, lametlohpi in a ci hong naknatlua ahih manin a pumpi langkhat zawin bang mah semzonawnloin om hi. Tulaitak in,Teddim khuapi sung a inn ah om hi. A tute kamvaksa in om a, haksatna tampi thuak hi.

Ngaihsutlohpi in damlohna hang tawh bang mah semzo nawnlo in aom teh, lungneu den hi.  "bang hang hiam thei keng, ka sepna sa te ah sepkhial a omleh Topa hong maisak in ci'n Pasian kiang ah ka thumthum hi" ci in khitui luangin kapkawm sa-in thu kangen den hi ci-in gen hi.

A it mahmah a zi in 2009 kum in nusiak san lai ahih manin lungleng khuangai in om hi.Tulaitak in a tapa U pen te innkuan tawh om hi.

**************

BIO-DATA OF REV. SON DO CIN

(UPC Pawlpi)

Pianna

Phaiza khua a teng Pa Am Khan Thang leh Nu Awi Gin Cingte in tapa guk leh tanu khat aneihna sungah ah a u pen hi. 1947 kum in Tapidaw suak hi. 1944 kum in suak a,1973 kum in zinei in tapa nih leh tanu nih nei hi.

Pasiannasepna
     September 5, 1968 kum in piangthak hi. A pianthak akipan khamangthangte veilua ahih manin khua sung, khuakim, khuapam tengah lungdamnathu tangko in vakkawikawi hi. A paipaina khempeuh ah Khitui tampi tawh khaici na tuh hi.

- 1967 kum pan 1973 dong Junters quaetet min pua in Tedim gam,sihzang gam,      kawlzangleh Manipur gam dongah  limlah lasakna tawh Pasianna sem hi.
- 1995 pan Minister License (UPC)pawlpi pan kipia in Evangelist kumnih sem hi.
- 1995 in Mualnuam khua ah kituah in Section Pastor sem hi.
- 1999 kum in Phaiza local Pastor sem in, Phaiza khua ah om hi.
- 2000-2005 dong Kaptel local Pastor sem hi.
- 2002 Kum in Ordination ngah hi.
- 2006-1012 dong Phaiza local Pastor leh Mualnuam section Pastor thuah in phaiza khua ah teng hi.
-  February 14, 2012 ni in Paubanna leh minsiatna peuhmah neilo in, kum 65 cin'kum in pensen kipia hi.

Haksatna

Rev. Son Do Cin pen a zi in 1980 in nusia hi. A tate tawh omkhawm in, haksatna leh gentheihna tampi tawh Topana sem hi. Kipawlna pan pensen akipiak hang, "ka nuntaklai teng kahihtheihna bang in Topana sem ning ci" a akipia Pasian nasem khat hi. 

 

 

Comment

You need to be a member of MYANMAR MISSION CHURCH to add comments!

VERSES OF THE DAY

Ephesians 5:1 (CEV)

Ephesians 5:1 (CEV) Do as God does. After all, you are his dear children.

US gambup Online Prayer

"US gambup Online prayer line pan thunget sak na asawt loin kihong ta ding hi" USA gambup ah om, Zomipih te sungah vai tuamtuam leh thu tuamtuamte hangin mimal leh innkuan sungah haksatna anei tampi ih om hi. Hih haksatna te hangin thungetsak ding alunggulh mi tampi mah zong ih om hi. Hih bang a, thungetsak ding alunggulh mitampi-te in, omna ki batlohna leh omna kigamlatna te hangin thukizakna leh kizopna nei theilo hi. Ahi zongin, Khalam ah Pasian mizat leh thungetna lam ah a hat mi-te in, veina leh deihsakna lianpi tawh kipiakhia a, thu hong ngetsak dingin ki gingsa in om uh hi. Tua ahih manin omna ih ki gamlat hang, amanlang thei pen a, thu kiza a, thu ki ngetsak theihna ding in, Phone Line (Prayer Line ) pan thungetsak theihna asawtlo in ki hong ta ding hi. Hih thu tawh kisai in atheinuam ih om leh (561)707-8729 ah ki kanthei hi.
****************************************************************************************************************************************************************** ***************************************

© 2014   Created by Myanmar Mission Church.

Badges  |  Report an Issue  |  Terms of Service