USA aom Florida gam pan in "Welcome to Myanmar Mission Church (MMC)" ci-in na taklam khut uh len in hong muak ung. Ih Topa kiang pan nopna leh hehpihna thupha no tungah hong tung ta hen. Florida gam sung nong zinna leh nong hawhna in lungnop tawldamna mun hi henla, nang leh na innkuanpih te ading in thupha hita hen ci-in thupha kong puak uhhi.

          Athu in, Florida gam sung ahi, adiakdiak in south Florida gam lam pen kawlgam-Zogam mah tawh ki bangin khuahun te salua lo, votlua lo hi. Tuipi gei ah om ahih manin tuipi huih te nung hiauhiau a, lunglen huai, khuangaih huai na mun hoih, mun nuam mahmah khat ahi hi. Hawhna ciahna akipan vaaksuk, vaaktohna te ah zong khuadam vuukkhal cihte lau nading omlo in, ih lung nuam mah mah hi. Alamdang muhtheih, et-theih ding zong mun tampi ah om ahih manin, hi-te en ding in mundang State pan leh leitung mun tuamtuam pan mitampi ten khual hong zinna leh a ut mahmah na munlehgam khat ahi hi.

          Tua ahih manin ka omna uh a hi, South Florida gam ah khualzinna khatpeuh ahizong , innlak tanau meltheih kawm a hawhna ahizong nong neih leh, Myanmar Mission Church ( MMC ) ah pel-lo nong ki khop nading, kha tha laakna leh thapiakna te nong neih nadingun itna leh ngaihna lianpi tawh hong sam ung Hih MMC pawlpi ah Ei Zopau ( Zomi Service ) leh Kawlpau tawh Pasian biakpiak hunte ki nei hi.

Ih Topa leh agam ading, I minam leh I gam ading khut ki len in na semkhawm ni. Khut ki len in Ih sepkhop leh miten itna sung ah pum khat hi hang cih hong thei ding uh hi.

Topa leenggah huan sungah,

Rev.Kham Do Thang ( Sia Thangno )

MMC, Florida, USA

1. ZOMI NAM NI FLORIDA AH NOPCITAK IN KIBAWL

   USA gam Florida gamuk sungah om Zomi khempeuh in 2012 kum February kha 17 (Friday) ni Nitaak nai 8:30 pan kipan in 11:00 dong Zomi Nam Ni phawkna leh pahtawinate kilungtuaktak leh nopcitak in Rotary Club House, Hollywood, Florida ah bawl hi. Zomi Innkuan EC teng in hong pai mipi khempeuh alim mahmah an leh meh nektheih tuamtuam leh Vaimimciim te tawh hong vaklai uh a, Mipi lungdam mahmah hi. EC te vaihawmna leh mapannate zong picing kisa mahmah hi. 

      Hih hunpi sungah Zotaang leh Zolia te in Zomi itna leh Zogam ngaihna tawh Langaihnono te  hongsa uha, apai mikhempeuh mittui mualtuangsa in kidai khipkhap in kingai dide hi. Tua banah USA gam sung piang Zomi tano nih ahi, Tg Vaanpi leh Lia Tawilun te'n zong Zo aw, Zola mantak in hong sak beh lai uh a, mipi lungsim lawngkha mahmah in, hih bangliang i naupangte sungah om thei maw ci-in khat leh khat ki dongin lamdang kisa mahmah tek hi. Maikum ah hibang in nuamtakin i bawlzawh kimciat na'ng tung Pasian in damna leh lungnopna mikim tungah hong pia ta hen. Amen.  

 2. KUMTHAK LEH INNTHAK 

     2012 kumthak( Jan 01) Sunday ni-in Pi Cing Lian Dim,Pa Pau Lian Khai(Saizang)te Innkuan (Palm Beach veng, Florida) in Topa piak Innthak honna tawh Kumthak hong la uh ahih manin MMC pawlpi bup in sak leh khang aom it leh ngaih teng tawh Innthak lawphna leh kumthak muakna amau innah Biakpiakna hun neikhawm hi.  An leh meh lim mahmah tawh apai khempeuh hong vaklai uh ahih manin gilvah mahmah beklo in, lungdamsa in inn lam kizuan ciat hi.   

3. PA CINTAWNG LEH NU NUAMPITE TUNG PAN NAUMELTHAK

      August 11, 2011( Thursday) ni sun nai 12:00 pawl in Broward Medical Center Zatopi ah Pa En Za Cin(Cintawng) leh Nu Nuampi te nupa in Tanu melhoih " Lia Nem Zawm Sung" hong nei uh ahih manin Pawlpi bup in amau innkuan tawh i lungdampihna i pulak hi. Nau gihna pen lb7 le Oz 11 pha hi. Nau le a nu cidam ahih manin Pasian hehpihna i phat hi. 

4. PA PAU LIAN KHAI LEH NU CING LAM MAANTE TUNG PAN NAUMEL THAK 

     August10, 2011 ( Wednesday) ni sun nai 1:00 pawl in Palm Beach (Zion) veng a teeng Pa Pau Lian Khai & Nu Cing Lam Maan te nupa in Bethesda Hospital ah Tapasal "Tg. Khup Khan Khai" hong nei uh ahih manin Pawlpi bup in amau innkuan tawh i lungdampihna i pulak hi. Nau gihna pen Lb 8 & Oz 5 pha in, a sauna pen letmat 19 le alang pha hi.A Nu le nau cidam hi. 

5. PA MUNGPI LEH NU VUNGBAWITE TUNG PAN NAUMEL THAK

      Pawlm Beach(Zion) veng a teeng Pa Mungpi le Nu Vungbawi te nupa in July 21 ni sun nai 12:25 pawl in St. Mary Zatopi ah tapasal melhoih "Tg. Joshua Kham Kop Lal" hong nei uh ahih manin pawlpi bup in i lungdampihna i pulak hi. Nau le A Nu cidamin July 23 ni-in Zatopi pan hong tuakta uh hi. Topa'n min than' na ding hi ta hen. Amen.

6. PA MANGPU LEH NU MUAN CINGTE TUNG PAN NAUMEL THAK 

     May 01, 2011(Sunday) Nitaak nai 8:50 in Palm Beach veng ah teeng Pa Zam Go Lin(Pa Mangpu) leh Nu Muan Cingte nupa in St Mary Zatopi ah Tapa melhoih "Tg.Pau Suan Khai" hong nei uh ahih manin amau innkuan tawh lungdamkhopna ih pulak hi.  Nau i sauna pen(Inches) letmat 22 pha in, 10.05 lb gik hi. Tuciang zato ah nausuak teng lak ah agik(Agol) pen pawl hi ci-in, zato lamte gen uh hi.

Zomi Language;

1. A Lui teng bei in, A thak a piang zo hi.(by Rev. Kham Do Thang)

2. Mission For Christ. (by Sia Mungpi)

3. Na Hih Bangbang tawh Topa Zuan in.(by Rev. Kham Do Thang)

4. Zeisu in Hong It hi.(by MMC Children)

5. Nam Kiim Pasian Thupha.(by Rev. Kham Do Thang)

6."Upna hang a Nawl Khin thuak"( by Dr. Thang Za Tuan)

7."Zeisu Suah Limlahna"( by MMC Children )

8. "Na Neihsa tawh Topa it in"( by Rev. Kham Do Thang )

9."Lungtang Zong Pasian" ( by Rev. Dr. Hen Khan Go )

10. "Taikhat Pailai in" ( by Rev.Thang Khan Mang )

11."Upna Leh Tupna" (by Pa Kam Sian Lian )

12."ZEISU MITSUAN IN"(by Dr.Zam Sian Mang)

13."Pasian tawh ki lawmtakna" (by Rev Dr. Kham Khan Khai)

14."Leitungnate sang in Topa itding hoihzawhi"(by Pastor Kham Do Thang)

15."Tuni in hun nunung hi" (by Pa Ngin )

16." Pasian in Ganhingte zangin a mite thu hilh."(by Pastor Kham Do Thang)

17."ABUKIM LEH AGUALZO PEN ZEISU" ( by Pastor Kham Do Thang )

18."ZEISU BEK ENIN"(by Pastor Kham Do Thang)

19."PA HOIH (by Pa Hang Za Suan)

20." Tel Theih na" (by Rev Go Khan Pau)

Burmese Language;

1. The Word of God- Part (1) ( by Rev.David Lah )

2. The Word of God -Part (2) ( by Rev. David Lah )

3. Blessings Come From God.(by Rev. Kham Do Thang)

4. The Name of Jesus is Meaningful to us.(by Rev. Kham Do Thang)

5." How to Success" ( by Rev. Moo Laa Phaw )

6."It is finished" (by Rev. Thang Lian Khup)

7."Easter Sunday" ( by Rev. Kham Do Thang )

9."Create in me a new heart, Oh Lord" ( by Pastor Kham Do Thang )